12-ci Qafqaz Beynəlxalq Mehmanxana,
Restoran və Supermarketlər üçün Avadanlıq və Ləvazimatlar Sərgisi


5 - 7 aprel 2018 • Bakı Ekspo Mərkəzi

Sərgi » Sərgi haqqında

11-ci Qafqaz Beynəlxalq Mehmanxana, Restoran və Supermarketlər üçün Avadanlıq və Ləvazimatlar “HOREX Caucasus 2017” 6-8 aprel tarixində Bakı Ekspo Mərkəzində Turizm və Səyahətlər “AITF” sərgisi ilə birgə keçirildi. Qonaqpərvərlik sahəsində Cənubi Qafqaz və Xəzəryanı regionun hər il keçirilən ixtisaslaşmış tədbiri olan “HOREX Caucasus” sərgisi məhsul və xidmətlərin təqdim olunması, aparıcı sənaye şirkətləri, eləcə də  alıcı və tərəfdaşlarla səmərəli fikir və təcrübə mübadiləsi, o cümlədən bazarın rəqabət qabiliyyətinin təhlili və möhkəm işgüzar əlaqələrin qurulması üçün əla imkan yaradır.

Sərginin birinci günü Prezident İlham Əliyev və birinci xanım Mehriban Əliyeva sərgisi ilə tanış olublar.

Sərginin təntənəli açılışı mərasimində Azərbaycan Respublikasının mədəniyyət və turizm naziri Əbülfəs Qarayev və “ITE Group” şirkətinin icraçı direktoru cənab Edvard Stroon çıxış ediblər.

Bu il sərgidə yuyucu vasitələr, peşəkar təmizlik avadanlıqları, qida emalı avadanlıqları və paslanmayan poladdan hazırlanmış məhsulları və qab-qacaqları təqdim edən Azərbaycan, Hindistan, İsveçrə, Rusiya və digər ölkələrin şirkətləri iştirak ediblər.

Sərgi Azərbaycan Respublikası Mədəniyyət və Turizm Nazirliyinin fəal dəstəyi ilə keçirilir, həmçinin Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası tərəfindən dəstəklənir. Sərginin təşkilatçıları qismində “Iteca Caspian” və onun Böyük Britaniyalı tərəfdaşı “ITE Group” şirkətləri çıxış edirlər.

Sərgini 4738 nəfər ziyarət edib. Onların arasında istehsalçı və məhsul təchizatçıları, ekspertlər, eləcə də geniş istehlakçı auditoriyası.

2018-ci ildə HOREX Caucasus” sərgisi 5-7 aprel tarixlərində keçiriləcək.

      


Rəylər

Georq Reymer (Georg Reimer), “Brunner Anliker” şirkətinin MDB ölkələri üzrə  ticarət təmsilçisi

“Bizim şirkət beynəlxalq “Horex Caucasus 2017” sərgisinin debütantlarından biridir və bu tədbir sayəsində Azərbaycanda distribyutorlar tapmaq, eləcə dəyərli bazarın tələbatı barədə təsəvvür formalaşdırmaq niyyətindəyik. Biz “Horex Caucasus” sərgisində iştirakı Azərbaycan bazarına daxil olmaq istiqamətində atılmış ilk addım hesab edirik. Ekspozisiyanın ziyarətçi və iştirakçılarının fəallığını qeyd edə bilərəm və biz bunun sayəsində bu başlanğıcın uğurlu olacağını proqnozlaşdıra bilərik”.

Nexal Qanatra, Bhalaria Metal Craft PVT. LTD şirkətinin marketinq meneceri

Hindistan şirkəti “Bhalaria Metal Craft” “Horex Caucasus2017” sərgisinin debütantlarından biridir. Biz bu sərgidə öz istehsalımız olan mətbəx avadanlıqları və inventarlarını təqdim edirik.

Bu sərgi sayəsində biz geniş auditoriyaya öz şirkətimiz və məhsulumuz barədə məlumat verə bildik.

Füqan Qurbanova, “ASENA” şirkətinin satış üzrə meneceri

“Şirkətimiz hər il Qafqaz Beynəlxalq “Mehmanxana, Restoran və Super-marketlər üçün avadanlıq və ıəvazimatlar” sərgisində iştirak edir. Sərgi yeni müştərilərin potensial axtarışı üçün nüfuz kampaniyası və marketinq vasitəsi kimi faydalıdır”.

Osmanqazi Kaplan, “Natural Halı” şirkətinin meneceri

“Biz ikinci ildir ki, sərgidə iştirak edirik və mən əminliklə deyə bilərəm ki, təşkilatçılıq səviyyəsindən çox razıyam. Biz gələcəkdə də “Horex Caucasus” sərgisində iştirak etmək niyyətindəyik və ümidvarıq ki, burada öz həmkarlarımızla - xalça sənətinin peşəkarları ilə görüşə biləcəyik”.

Xəbərlər

Bütün xəbərlər